ການ​ຮັກ​ສາ​ຄວາມ​ໂປ່ງ​ໃສ

ການຂາດຄວາມໂປ່ງໃສໃນຂະແໜງປ່າໄມ້ຂອງປະເທດແມ່ນນອນຢູ່ໃນ ສິ່ງທ້າທ້າຍໃນການຄຸ້ມຄອງທີ່ເຮັດໃຫ້ການລັກລອບຕັດໄມ້ຢ່າງຜິດກົດໝາຍຍັງຄົງມີຢູ່. ຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA) ໄດ້ລວມເອົາພັນທະສັນຍາໂດຍໃຫ້ປະເທດທີ່ເປັນຄູ່ຮ່ວມສັນຍາເປີດເຜີຍຂໍ້ມູນທີ່ກ່ຽວຂ້ອງເພື່ອໃຫ້ມີການພິຈາລະນາຢ່າງເປີດເຜີຍ ເພື່ອປັບປຸງຄວາມໂປ່ງໃສ ແລະ ຄວາມຮັບຜິດຊອບ.

ພັນທະສັນຍາຂອງປະເທດທີ່ເປັນຄູ່ຮ່ວມສັນຍາຕໍ່ກັບຄວາມໂປ່ງໃສແມ່ນສາມາດພົບເຫັນໄດ້ຢູ່ຫຼາຍບ່ອນໃນພາກເນື້ອໃນຫຼັກ ແລະ ພາກເອກະສານຊ້ອນທ້າຍຂອງຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA). ຂໍ້ຕົກລົງດັ່ງກ່າວສ່ວນຫຼາຍແລ້ວຈະມີ ເອກະສານຊ້ອນທ້າຍກ່ຽວກັບການເປີດເຜີຍຂໍ້ມູນແກ່ສາທາລະນະທີ່ ກຳນົດຂໍ້ມູນຂອງປະເທດທີ່ເປັນຄູ່ຮ່ວມສັນຍາຈະຕ້ອງເປີດເຜີຍສູ່ສາທາລະນະ

ການເປີດເຜີຍຂໍ້ມູນຈະຊ່ວຍເສີມສ້າງການຄຸ້ມຄອງໃນຂະແໜງປ່າໄມ້ໃຫ້ເຂັ້ມແຂງຂຶ້ນ ແລະ ເຮັດໃຫ້ສາມາດຕິດຕາມກວດກາການຈັດຕັ້ງປະຕິບັດຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA). ຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA) ບາງສະບັບຍັງກຳນົດບົດບາດຂອງຜູ້ສັງເກດການອິດສະຫຼະໃນການຕິດຕາມກວດກາ ແລະ ລາຍງານການຈັດຕັ້ງປະຕິບັດຂໍ້ຕົກລົງດັ່ງກ່າວອີກດ້ວຍ.

ພັນທະສັນຍາຕາມທີ່ກຳນົດໄວ້ໃນພາກເນື້ອໃນ ແລະ ພາກເອກະສານຊ້ອນທ້າຍຂອງຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA) ບໍ່ແມ່ນຫົນທາງດຽວທີ່ຂໍ້ຕົກລົງດັ່ງກ່າວສົ່ງເສີມໃຫ້ເກີດຄວາມໂປ່ງໃສ. ໃນແຕ່ລະຂັ້ນຕອນຂອງຂໍ້ຕົກລົງດັ່ງກ່າວ ແລະ ວິທີການປຶກສາຫາລືແບບໃຫ້ຫຼາຍພາກສ່ວນມີສ່ວນຮ່ວມໃນການຕັດສິນໃຈ ແມ່ນມີຈຸດປະສົງເພື່ອໃຫ້ ຂະແໜງການປ່າໄມ້ຂອງປະເທດເປີດເຜີຍຂໍ້ມູນເພື່ອໃຫ້ຫຼາຍພາກສ່ວນພິຈາລະນາຢ່າງລະອຽດ

ອ່ານເພີ່ມເຕີມໃນພາກເນື້ອໃນລະອຽດຂອງຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA) ກ່ຽວກັບວິທີທີ່ຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA) ສາມາດຍົກລະດັບຄວາມໂປ່ງໃສ