ເນື້ອ​ໃນ ແລະ ເອ​ກະ​ສານ​ຊ້ອນ​ທ້າຍ​ຂອງ​ຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA)

ຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA) ກຳນົດພັນທະຂອງສະຫະພາບເອີຣົບ ແລະ ປະເທດທີ່ເປັນຄູ່ຮ່ວມສັນຍາຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA). ຂໍ້ຕົກລົງແຕ່ລະສະບັບປະກອບດ້ວຍສອງພາກຄື: ພາກເນື້ອໃນຫຼັກ ແລະ ພາກເອກະສານຊ້ອນທ້າຍ .ຂັ້ນຕອນການເຈລະຈາຂອງ ຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA) ຈະກໍານົດວ່າຂໍ້ມູນແບບໃດທີ່ຕ້ອງປະກອບເຂົ້າໃນແຕ່ລະພາກ

ເນື້ອ​ໃນຫຼັກ​ຂອງຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA)

ເນື້ອໃນຫຼັກຂອງຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA) ໄດ້ອະທິບາຍບັນດາພັນທະທີ່ສຳຄັນຂອງແຕ່ລະຝ່າຍ ແລະ ວິທີການທີ່ຄວາມຕັ້ງໃຈຂອງທຸກຝ່າຍຈະສົ່ງຜົນກະທົບໃນໄລຍະການຈັດຕັ້ງປະຕິບັດຂໍ້ຕົກລົງ ເນື້ອໃນດັ່ງກ່າວສ່ວນຫຼາຍແລ້ວແມ່ນຈະມີຢູ່ປະມານ 15 ໜ້າ ແລະ ມີຄວາມແຕກຕ່າງກັນເລັກໜ້ອຍລະຫວ່າງຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA) ແຕ່ລະສະບັບ. ນອກຈາກນັ້ນເນື້ອໃນຍັງປະກອບດ້ວຍ 30 ມາດຕາ ເຊິ່ງໃຫ້ລາຍລະອຽດກ່ຽວກັບ:

• ເປົ້າ​ໝາຍ ແລະ ຂອບ​ເຂດ​ຂອງ​ຂໍ້​ຕົກ​ລົງ
• ນິ​ຍາມ​ຂອງ​ຄຳ​ສັບ
• ການ​ດຳ​ເນີນ​ງານ​ຂອງ​ໂຄງ​ສ້າງ​ການ​ຈັດ​ຕັ້ງ​ປະ​ຕິ​ບັດ, ເປັນ​ຕົ້ນ​ແມ່ນຄະນະກໍາມະການຮ່ວມໃນການຈັດຕັ້ງປະຕິບັດ
• ບັນ​ດາຫຼັກ​ການ​ທີ່​ຢູ່​ພາຍ​ໃຕ້ດ້ານ​ຕ່າງໆ​ຂອງ​ຂໍ້​ຕົກ​ລົງດັ່ງ​ກ່າວ
• ເງື່ອນ​ໄຂ​ສຳ​ລັບ​ການມີຜົນບັງຄັບໃຊ້ຂອງ​ຂໍ້​ຕົກ​ລົງ ແລະ ສຳ​ລັບ​​ຝ່າຍຕ່າງໆ​ໃນ​ການ​ດັດ​ແກ້, ຢຸດຊົ່ວຄາວ, ຂະ​ຫຍາຍ​ເວ​ລາ ຫຼື ຍົກ​ເລີກຂໍ້​ຕົກ​ລົງ​ດັ່ງ​ກ່າວ

ບາງ​ມາດ​ຕາກໍ່ກຳ​ນົດ​ຂອບ​ເຂດ​ເອກະສານຊ້ອນທ້າຍຂອງຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA), ເຊິ່ງ​ໃຫ້​ຂໍ້​ມູນ​ສະ​ເພາະ​ເຈາະ​ຈົງ​ຂອງ​ປະ​ເທດ​ໃດ​ໜຶ່ງ​ກ່ຽວ​ກັບ​ດ້ານ​ຕ່າງໆ​ຂອງ​ຂໍ້​ຕົກ​ລົງ​ດັ່ງ​ກ່າວ​ໂດຍ​ລະ​ອຽດ.

ເອກະສານຊ້ອນທ້າຍຂອງຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA)

ເອກະສານຊ້ອນທ້າຍໄດ້ກຳນົດຂັ້ນຕອນທີ່ເປັນປະໂຫຍດໃນການຈັດຕັ້ງປະຕິບັດບັນດາພັນທະທີ່ສຳຄັນໃນຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA) ຢ່າງລະອຽດ. ເອກະສານຊ້ອນທ້າຍປະກອບດ້ວຍຂໍ້ມູນສະເພາະເຈາະຈົງຂອງປະເທດກ່ຽວກັບ:

• ບັນ​ດາ​ກົດ​ໝາຍ​ທີ່​ປະ​ເທດ​ທີ່​ເປັນ​ຄູ່​ຮ່ວມ​ສັນ​ຍາ​ຈະດຳ​ເນີນ​ການ​ຕິດ​ຕາມກວດກາພາຍ​ໃຕ້ຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA)
• ບັນ​ດາ​ຜະ​ລິດ​ຕະ​ພັນ​ທີ່​ຂໍ້​ຕົກ​ລົງ​ດັ່ງ​ກ່າວ​ຈະ​ກວມເອົາ
• ບັນ​ດາ​ລະ​ບົບ​ທາງ​ດ້ານເຕັກ​ນິກໃນ​ການ​ກວດສອບ​ຄວາມ​ຖືກ​ຕ້ອງ​ທາງ​ດ້ານ​ກົດ​ໝາຍ, ການ​ຕິດ​ຕາມ​ແຫຼ່ງ​ທີ່​ມາ​ຂອງ​ໄມ້ ແລະ ການ​ອອກ​ໃບ​ອະ​ນຸ​ຍາດການຈັດຕັ້ງປະຕິບັດກົດໝາຍປ່າໄມ້, ການຄຸ້ມຄອງ ແລະ ການຄ້າໄມ້​ໃນ​ປະ​ເທດ​ທີ່​ເປັນ​ຄູ່​ຮ່ວມ​ສັນ​ຍາ
• ບັນ​ດາ​ກົມ​ກອງ ແລະ ໜ່ວຍ​ງານ​ຂອງ​ລັດ​ຖະ​ບານທີ່​ມີ​ສ່ວນ​ຮ່ວມ​ໃນ​ການ​ຈັດ​ຕັ້ງ​ປະ​ຕິ​ບັດຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA) ແລະ ບົດ​ບາດ​ຂອງ​ພວກ​ເຂົາ
• ຂໍ້​ມູນ ແລະ ເອ​ກະ​ສານ​ທີ່​ຈະເປີດ​ເຜີຍ​ຕໍ່ສື່​ມວນ​ຊົນ ແລະ ບັນ​ດາ​ກົນ​ໄກ​ທີ່​ພາ​ໃຫ້​ເກີດສິ່ງ​ດັ່ງ​ກ່າວຂຶ້ນ

ຈຳນວນເອກະສານຊ້ອນທ້າຍແມ່ນຈະມີຄວາມແຕກຕ່າງກັນລະຫວ່າງຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA) ແຕ່ລະສະບັບ. ຂໍ້ຕົກລົງດັ່ງກ່າວສ່ວນຫຼາຍແລ້ວແມ່ນປະກອບດ້ວຍເອກະສານຊ້ອນທ້າຍດັ່ງລຸ່ມນີ້:

• ເອກະສານຊ້ອນທ້າຍກ່ຽວກັບຂອບເຂດຂອງຜະລິດຕະພັນໄມ້
• ເອກະສານຊ້ອນທ້າຍກ່ຽວກັບນິຍາມຄວາມຖືກຕ້ອງທາງກົດໝາຍ
• ເອກະສານຊ້ອນທ້າຍກ່ຽວກັບລະບົບການຮັບປະກັນຄວາມຖືກຕ້ອງທາງດ້ານກົດໝາຍຂອງໄມ້
• ເອກະສານຊ້ອນທ້າຍກ່ຽວກັບຂັ້ນຕອນຂອງສະຫະພາບເອີຣົບ ໃນການນຳເຂົ້າໄມ້ທ່ອນທີ່ໄດ້ຮັບໃບອະນຸຍາດການຈັດຕັ້ງປະຕິບັດກົດໝາຍປ່າໄມ້, ການຄຸ້ມຄອງ ແລະ ການຄ້າໄມ້
• ເອກະສານຊ້ອນທ້າຍກ່ຽວກັບໃບອະນຸຍາດການຈັດຕັ້ງປະຕິບັດກົດໝາຍປ່າໄມ້, ການຄຸ້ມຄອງ ແລະ ການຄ້າໄມ້
• ເອກະສານຊ້ອນທ້າຍກ່ຽວກັບການກວດສອບອິດສະຫຼະ
• ເອກະສານຊ້ອນທ້າຍກ່ຽວກັບມາດຕະຖານໃນການປະເມີນຜົນລະບົບການຮັບປະກັນຄວາມຖືກຕ້ອງທາງດ້ານກດໝາຍຂອງໄມ້
• ເອກະສານຊ້ອນທ້າຍກ່ຽວກັບກຳນົດການໃນການຈັດຕັ້ງປະຕິບັດ
• ເອກະສານຊ້ອນທ້າຍກ່ຽວກັບມາດຕະການເພີ່ມເຕີມ
• ເອກະສານຊ້ອນທ້າຍກ່ຽວກັບຂໍ້ມູນທົ່ວໄປ
• ເອກະສານຊ້ອນທ້າຍກ່ຽວກັບຄະນະກໍາມະການຮ່ວມໃນການຈັດຕັ້ງປະຕິບັດ

ຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA)

ຕາ​ຕະ​ລາງ​ທີ 1 ສະ​ແດງ​ໃຫ້​ເຫັນ​ເຖິງ​ບັນ​ດາ​ມາດ​ຕາ ແລະ ເອ​ກະ​ສານ​ຊ້ອນ​ທ້າຍ​ທີ່​ກ່ຽວ​ຂ້ອງ​ກັບ​ແຕ່​ລະ​ຫົວ​ຂໍ້ຫຼັກໆ​ຂອງ​ແຕ່​ລະ​ປະ​ເທດ​ທີ່​ເປັນ​ຄູ່​ຮ່ວມ​ສັນ​ຍາຂໍ້ຕົກລົງການເຂົ້າເປັນຄູ່ຮ່ວມສັນຍາການຄ້າແບບສະໝັກໃຈ (VPA).

* ບໍ່​ໄດ້​ກຳ​ນົດ​ເປັນ​ເອ​ກະ​ສານ​ຊ້ອນ​ທ້າຍ, ແຕ່​ມີ​ການ​ພັດ​ທະ​ນາ​ລະ​ຫວ່າງ​ການ​ຈັດ​ຕັ້ງ​ປະ​ຕິ​ບັດໃນ​ຮູບ​ແບບ​ແຜນປະ​ຕິ​ບັດ​ງານ​ຮ່ວມ