VPA စာသားနှင့် နောက်ဆက်တွဲများ

ဆန္ဒအလျောက်မိတ်ဖက်အဖြစ်ဆောင်ရွက်ရန် သဘောတူညီချက် (VPA) သည် EU နှင့် မိတ်ဖက်နိုင်ငံ တို့၏ ကတိကဝတ်များကိုဖော်ပြသည်။ VPA တစ်ခုစီတွင် အပိုင်း ၂ ပိုင်းပါဝင်ပြီး ၎င်းတို့မှာ အဓိက စာသားနှင့် နောက်ဆက်တွဲများဖြစ်ကြသည်။ VPA ၏ ဆွေးနွေးညှိနှိုင်းခြင်းအဆင့်သည် အစိတ်အပိုင်း တစ်ခုစီတွင် ပါဝင်မည့် သတင်းအချက်အလက်ကို အဆုံးအဖြတ်ပေးသည်။

VPA အဓိကစာသား

VPA အဓိကစာသားသည် ပါဝင်သည့်အဖွဲ့တိုင်း၏ အဓိကတာဝန်ဝတ္တရားများနှင့်သဘောတူညီချက် အကောင်အထည်ဖော်ရာတွင် အချင်းချင်းမည်သို့အပြန်အလှန်ဆောင်ရွက်မည်ဆိုသည်ကို ရှင်းပြထား သည်။ စာသားသည်ပုံမှန် အားဖြင့် ၁၅ မျက်နှာခန့်ရှိပြီး VPAs များအကြား အနည်းငယ်ကွဲလွဲမှုရှိသည်။ စာသားတွင် အပိုဒ်ခွဲ ၃ဝ ခန့်ပါဝင်ပြီး အသေးစိတ်အနေဖြင့်

• သဘောတူညီချက်၏ ရည်ရွယ်ချက်များနှင့် အတိုင်းအတာ
• ဝေါဟာရများ၏ အဓိပ္ပါယ်များ
• ပူးတွဲအကောင်အထည်ဖော်ရေးကော်မတီကဲ့သို့ တည်ဆောက်ပုံများ အကောင်အထည်ဖော်ခြင်း၏ လုပ်ငန်းတာ၀န်များ
• သဘောတူညီချက်၏ မတူညီသောရှုထောင့်များ နောက်ကွယ်မှ အခြေခံသဘောတရားများ
• သဘောတူညီချက်စတင်အာဏာသက်ရောက်ခြင်းနှင့် ပါ၀င်သည့်အဖွဲ့များမှ ပြင်ဆင်ခွင့်၊ ဆိုင်းငံ့ခွင့်၊ ထပ်တိုးခွင့်နှင့် အဆုံးသတ်ခွင့်များအတွက် စည်းကမ်းချက်များ

အချို့အပိုဒ်ခွဲများသည် အသေးစိတ်ဖော်ပြထားသည့် VPA နောက်ဆက်တွဲများအား စာချုပ်ပါအချက်များအတိုင်း သက်ဆိုင်ရာနိုင်ငံအလိုက် သတ်မှတ်ရေးဆွဲထားခြင်းဖြစ်သည်။

VPA နောက်ဆက်တွဲများ

နောက်ဆက်တွဲများသည် VPA တွင်ပါသည့် အဓိကကတိကဝတ်ပြုမှုများကို အကောင်အထည်ဖော်ခြင်း အတွက် လက်တွေ့ကျသောအဆင့်များကို အသေးစိတ်ဖော်ပြထားပါသည်။ နောက်ဆက်တွဲများတွင် နိုင်ငံအလိုက် သတင်းအချက်အလက်များကိုဖော်ပြထားပါသည်။ ဥပမာအားဖြင့်

• VPA အရ မိတ်ဖက်နိုင်ငံမှ လေ့လာစောင့်ကြည့်မည့် ဥပဒေများ
• စာချုပ်နှင့် အကျုံးဝင်သည့် ထုတ်ကုန်များ
• တရား၀င်ဖြစ်မှုကို ဆန်းစစ်ခြင်း၊ သစ်စစ်ဆေးခြင်းနှင့် FLEGT လိုင်စင်ထုတ်ပေးခြင်းအတွက် အသုံးပြုမည့် နည်းပညာဆိုင်ရာ စနစ်များ
• VPA အကောင်အထည်ဖော်ရာတွင် ပါ၀င်မည့် အစိုးရ ဌာနများ၊ အေဂျင်စီများနှင့် ၎င်းတို့၏ တာ၀န်များ
• သတင်းအချက်အလက်နှင့် စာရွက်စာတမ်းများကို လူထုအား အသိပေးခြင်းနှင့် မည်ကဲ့သို့ ပြုလုပ်မည်ဆိုသည့် ဆောင်ရွက်ချက်များ

နောက်ဆက်တွဲအရေအတွက်မှာ VPAs များအကြားကွဲပြားပါသည်။ VPAs အများစုတွင်အောက်ပါ နောက်ဆက် တွဲများပါလေ့ရှိသည်။

• ထုတ်ကုန်အမျိုးအစားနှင့်ပတ်သက်သည့် နောက်ဆက်တွဲ
• တရားဝင်ဖြစ်ကြောင်း အဓိပ္ပါယ်ဖွင့်ဆိုခြင်းနှင့်ပတ်သက်သည့် နောက်ဆက်တွဲ
• တရားဝင်သစ်ဖြစ်ကြောင်းအာမခံသည့်စနစ်နှင့်ပတ်သက်သည့် နောက်ဆက်တွဲ
• FLEGT လိုင်စင်ရရှိထားသည့် သစ်ထုတ်ကုန်များတင်သွင်းခြင်းဆိုင်ရာ EU လုပ်ထုံး လုပ်နည်း များနှင့်ပတ်သက်သည့် နောက်ဆက်တွဲ
• FLEGT လိုင်စင်များနှင့်ပတ်သက်သည့်နောက်ဆက်တွဲ
• လွတ်လပ်သောစာရင်းစစ်ခြင်းနှင့်ပတ်သက်သည့် နောက်ဆက်တွဲ
• တရားဝင်ဖြစ်ကြောင်းအာမခံသည့်စနစ် အကဲဖြတ်ခြင်း စံများနှင့် ပတ်သက်သည့် နောက်ဆက်တွဲ
• အကောင်အထည်ဖော်ခြင်း အစီအစဉ်နှင့် ပတ်သက်သည့်နောက်ဆက်တွဲ
• တွဲဖက်ပါဝင်သော အစီအမံများနှင့် ပတ်သက်သည့်နောက်ဆက်တွဲ
• အများပြည်သူသတင်းအချက်အလက်နှင့် ပတ်သက်သည့်နောက်ဆက်တွဲ
• ပူးတွဲအကောင်အထည်ဖော်ရေးကော်မတီနှင့် ပတ်သက်သည့်နောက်ဆက်တွဲ

VPAs များအားကြည့်ရှုခြင်း

ဇယား ၁ တွင် မိတ်ဖက်နိုင်ငံတစ်ခုစီ၏ VPA များတွင်ပါ၀င်သည့် အဓိကအကြောင်းအရာများနှင့် ဆက်စပ်နေသည့် အပိုဒ်ခွဲများနှင့် နောက်ဆက်တွဲများကို ဖော်ပြထားသည်။

* နောက်ဆက်တွဲအနေနှင့် မသတ်မှတ်သော်လည်း ပူးတွဲလုပ်ဆောင်ရန်အစီအစဉ်အနေဖြင့် အကောင်အထည်ဖော်ရာတွင် လုပ်ဆောင်သည်